Аманбаево айылынын тургуну Таалайбек Жаныбаев 4 300 000 сом турган “АМКОДОР 352” фронталдуу погрузчикти, 7 жылдын ичинде төлөп берүү мөөнөтү менен, 9% менен лизингге сатып алды, ал келечекте Кара-Буура районунда жашаган бүт калкына кызмат көрсөтүүнү пландаштырып жатат.

Лизинг алуучунун сөзү боюнча; “Бул абдан керектүү техника. Бул техника кумду, гравийди самосвалдарга жүктөйт, жерди түздөйт жана көптөгөн башка иштерди аткарат. Көптөгөн заказдар болоруна ишенемин” – деп, ал кошумчалады. Таалайбек Жаныбеков техниканы лизингге биринчи жолу алып жатат, бирок башка насыя продуктылары боюнча Банктын активдүү насыя алуучусу болуп саналат.

Read more »

Компаньон Банкы жеке кардарлар, юридикалык жактар жана жеке ишкерлер үчүн интернет-банкинг кызматын баштады. Эми банктын кардарларынын дистанциялык банктык тейлөөнүн ыңгайлуу, жөнөкөй жана коопсуз ыкмасы бар.

Ыңгайлуу. Интернет-банкинг кардарларга өзүлөрүнүн эсептерин ар дайым башкаруу жана негизги банктык операцияларды жүргүзүү мүмкүнчүлүгүн берет:

– Жүргүзүлгөн банктык төлөмдөр жөнүндө маалымат алуу;

– Насыя карызын төлөө;

– Акча каражаттарын өзүнүн эсептери арасында жана банктын кардарларынын эсептерине акысыз которуу;

– Акча каражаттарын клиринг жана гросс боюнча которуу;

– Валюта алмаштыруу.

Read more »

FINCA Банктын башкы кеңсесинин жана филиалдарынын кызматкерлери ар түрдүү балдар мекемелеринин тарбиялануучуларын Эл аралык балдарды коргоо күнү менен куттукташты.

FINCA Банк кызматкерлердин балдары үчүн «Маш ботой» спорттук оюн-зоок майрамын уюштурду.

Бишкек филиалынын жамааты Жер-Казар айылындагы «Нур-Бакча» балдар бакчасына барышып, балдарга оюнчуктарды жана таттуу белектерди тартуулашты.

Кербен филиалынын кызматкерлери «Арча-Бешик» балдар бакчасынын тарбиялануучуларына ой жүгүртүүсүн өстүрүүчү оюнчуктарды тапшырышты.

Алардын Караколдогу кесиптештери Акбулун айылындагы «Балажан» балдар бакчасына балдардын эмеректерин тапшырышты, андан сырткары Кызыл-Суу айылындагы «Келечек» балдар үйүнө жана Күрмөнтү айылындагы балдар бакчасына да белектер жөнөтүлдү.

Нарын филиалы жаңы ачылган «Айдай» балдар бакчасына кир жуугуч машинаны белекке берди.

Read more »

Бишкек шаарындагы «Орион» мейманканасында 2-июнда Бизнес-жолугушуу болуп өттү. FINCA Банк Кыргыз Республикасынын Соода – өнөр-жай палатасы тарабынан уюштурулган бул иш чаранын башкы демөөрчүсү болду. Башкармалыктын Төрайымынын орун басары Кай Ильм Банктын продуктулары жана кызматтары жөнүндө бетачарды сунуштап, банктын ишмердүүлүгү жөнүндө айтып берди.

Бизнес-жолугушууну өткөрүүнү колдогондугу үчүн Кыргыз Республикасынын Соода – өнөр-жай палатасынын Президенти FINCA Банкка ыраазычылык катын тапшырды.

Ошондой эле, FINCA Банк демөөрчүлөрдүн бири катары Бишкек эл аралык каржы форумун (BIFF) өткөрүүнү колдоду, бул форум быйыл «Рынок чакырыгы жана тренддер» темасына арналган. Анын уюштуруучусу – Кыргызстан банктар союзу.

Форум 2-3-июнда Бишкек шаарында жана Ысык-Көлдүн жээгинде болуп өттү. Форумга КР Президентинин Аппарат башчысы Сапар Исаков, КР Жогорку Кеңешинин депутаты Дастан Бекешев, КРУБ Төрагасы Толкунбек Абдыгулов, Кыргызстан банктар союзунун президенти Анвар Абдраев, Германиянын Кыргыз Республикасындагы Элчилигинин өкүлү Касьен Онезорге жана башкалар катышты.

Read more »

Kompanion_2017 certificate

Тейлөөнүн эң   жогорку стандарттарына умтулуу менен, Компаньон Банкы финансылык тармакта эл аралык деңгээлде кабыл алынган социалдык-жоопкерчиликтүү насыялоо эрежелерин сактайт. 2017 жылдын апрель айында Компаньон Банкы MicroFinanza Rating рейтинг агенттигинин көз карандысыз тактыкташтыруусун ийгиликтүү өттү. Бул дагы бир жолу Компаньон Банкынын Smart Campaign дүйнө жүзүндө пропагандалаган кардарларды коргоо негиздерин сактаганын ырастайт.

«Компаньон Банкы Кыргызстандын калкына сапаттуу жана жеткиликтүү кызматтарды сунуштоо боюнча өзүнүн стратегиясын ишке ашырууну улантууда. Биз кардарларга кам көрүүгө өзгөчө көңүл бөлөбүз жана эл аралык жогорку баалоону алуу – биздин туура багытта баратканыбыздын көрсөткүчү. Кардарлардын ишеними – биздин негизги жетишкендик. Азыркы убакта бүткүл Кыргызстан боюнча 96 миң кардарлар биз менен иштешет жана бизге ишенишет. Биз алардын ар бирөө менен өз ара ишеним, сый жана чындык негизинде өнөктөш мамилелерин курабыз», – деп «Компаньон Банкы» ЖАК Башкармалык Төрагасы   Уланбек Термечиков белгиледи.

Smart Campaign тастыктамасын алуу  Компаньон Банкынын финансылык продуктыларды тиешелүү түрдө иштеп чыгып, сунуштоону, өтө карызкорлукту болтурбай коюуну,  айкындуулукту, акылга сыярлык баа бычууну, кардарларга адилеттүү жана сый мамиле кылууну, кардарлардын маалыматтарын купуя сактоону жана арыздарды кароонун туура механизмдерин колдонууну сактагандыгын көрсөтөт.    Read more »