– «Халык Банк Кыргызстан» ААКнын филиалынын Каракол шаарында ачылышы

Каракол шаарында 6-февралда «Халык Банк Кыргызстан» ААКнын филиалы расмий түрдө ачылды! Жаңы филиал «Халык» тобунун бардык талаптарына, тактап айтканда, бөлүмдөрдүн жабдылышы,  дизайны жана жасалгасы жагынан бардык талаптарга жооп берет.

Биз Каракол шаарынын тургундарына, жеке жактар үчүн, ошондой эле юридикалык жактар үчүн да:

  • кредиттер;
  • депозиттер:
  • акча которуулар;
  • эсептешүү-кассалык тейлөө;
  • төлөм карталарын (VISA, Элкарт) чыгаруу;
  • жеке компаниялар жана мамлекеттик мекемелер үчүн эмгек акы долбоорлору

сыяктуу банктык кызматтардын бардык түрүн көрсөтүп жаткандыгыбызга абдан кубанычтабыз.

Филиалдын расмий ачылышында Банктын жетекчилигинен тышкары, ушул кубанычтуу окуяны биз менен бирге бөлүшүү үчүн атайын келишкен биздин кардарлар жана өнөктөштөр да катышышты. Майрамдык салтанаттуу кызыл лентаны «Халык Банк Кыргызстан» ААК Башкармалыгынын Төрагасы  Айкын Темиртасович Кабулов жана филиалдын директору Альбина Асанова бирге кесишти.

Альбина Асанова: «Бүгүнкү биздин филиалдын ачылышына катышкандардын бардыгынын жакшы каалоо-тилектери жана жылуу сөздөрү үчүн аларга ыраазычылымды билдирем! Биздин аймактын тургундарына, биздин кардарларга ыңгайлуу шарттарды түзүү жана банктык секторду өнүктүрүү үчүн биз бардык күчүбүздү жумшайбыз»,- деп белгилөө менен сөзүн аяктады.

Бардыгыңыздарды Каракол шаары, Токтогул көчөсү, н/ж (болжолдуу багыт, «Триада-ДМ» СБ имараты) дареги боюнча күтөбүз. Телефон: +996 (3922) 5-51-41.

Иштөө режими: бир жумада беш күн, саат 9:00 дөн 17:30 чейин, тыныгуу 13:00 дөн 14:00 чейин. Дем алыш күндөрү: ишемби, жекшемби.

 

БАНК ТУУРАЛУУ:

  • «Халык Банк Кыргызстан» ААК, 2018-жылы өзүнүн 95-жылдыгын белгилеген «Казахстан Эл Банкы» АКнын туунду компаниясы болуп саналат.
  • «Халык Банк Кыргызстан» ААК өзүнүн ишмердигин Кыргызстандын финансылык рыногунда 14 жылдан ашык убакыттан бери ийгиликтүү жүргүзүп келе жатат.
  • Бүгүнкү күндө жалпы Кыргызстан боюнча «Халык Банк Кыргызстан» ААКнын 19 бөлүмү бар: Бишкекте, Ошто, Жалал-Абадда, Кара-Сууда, Кара-Балтада, Чолпон-Атада, Караколдо, Өзгөндө, жана Ноокатта.
  • «Халык Банк Кыргызстан» ААК универсалдуу банктын статусуна ээ жана өзүнүн ишмердигин № 044 банктык лицензиясынын негизинде жүргүзөт.
  • Мамлекеттер аралык эсептешүүлөрдү жүргүзүүгө карата Банктын кардарларын тейлөө үчүн Германиянын, АКШнын, Россиянын жана Казакстандын ири банктары менен корреспонденттик мамилелер түзүлгөн.

“Оптима Банк” Кыргыз Республикасынын бардык банктарынын VISA карта ээлери үчүн “Моментальные переводы VISA2VISA” кызматы ишке киргенин кабарлайт!

Кыргыз Республикасынын бардык банктарынын VISA карталары менен Сиз КР ичинде башка VISA карталарга акча которо аласыз, а Оптима Банктын төлөө картасынын ээлери башка өлкөлөрдүн карталарына акча которо алышат. Кызматка кошулуу үчүн Оптима Банктын каалаган бөлүмүнө кайрылыңыз болот. Кызмат аркылуу акча которууларды азыркы убакта Банктын каалаган банкоматтарында орундата аласыздар.

NEW BISHKEK-2018 шаардык демилгелер конкурсу

Дареги: “Кабар” маалымат агенттиги, Бишкек шаары, Абдрахманов көчөсү 175
Убактысы: 24-май, 2018-жыл, саат 11.00

Экинчи ирет өткөрүлүп жаткан NEW BISHKEK-2018 шаардык демилгелер конкурсуна арналган пресс-конференцияга каалоочулардын баарын чакырабыз.

Катышуучулар:
Назакат Асланова – “ФИНКА Банк” ЖАКнун төрагасынын орун басары;
Разаматова Рано – Бишкек шаарын өнүктүрүү агенттигинин аткаруучу директору;
Элнура Калыбаева – Жаштарды өнүктүрүү институтунун аткаруучу директору.

Read more »

Дүйнөлүк акча жумалыгы 2018: Компаньон Банкы каржылык сабаттуулукту жогорулатуу боюнча иш-чараларды жүргүздү

Дүйнөлүк акча жумалыгы 2018: Компаньон Банкы каржылык сабаттуулукту жогорулатуу боюнча иш–чараларды жүргүздү

Март айынын 12-18-күндөрү , Компаньон Банкы Дүйнөлүк акча жумалыгына (Global Money Week 2018) карата, Кыргызстандын баш калаасында жана аймактарында, 8-11 класстын мектеп окуучуларынын каржылык сабаттулугун жогорулатуу максатында бир катар иш-чараларды өткөрдү.

Кадамжай, Кербен, Ош, Талас, Токтогул, Токмок, Каинды, Нарын, Кочкор, Балыкчы, Каракол жана Бишкектин мектептеринде лекциялар уюштурулуп, Компаньон Банкынын бөлүмдөрүндө болжолу менен 700 мектеп окуучулары үчүн Ачык эшик күндөрү өткөрүлдү.

Окуучулар банктардын ишинин өзгөчөлүгү, киреше-чыгашаны пландаштыруу, акчаны үнөмдөө  жөнүндө маалымат алышты. Андан тышкары, окуучулар менен банктын адистери интерактивдүү түрдө улуттук валютанын 25-жылдыгына байланыштуу, анын уникалдуулугун талкуулашты.

Read more »

Маргарита Черикбаева «Компаньон Банкы» ЖАКнун Башкармалыгынын Төрайымы катары дайындалды

Маргарита Черикбаева 2018-жылдын 12-мартында «Компаньон Банкы» ЖАКнун Башкармалыгынын Төрайымы катары дайындалды.

Компаньонго келээрден мурда, ал 2015-жылдан тартып, «ФИНКА Банк» ЖАКнун Башкармалыгынын Төрайымы болуп, ага чейин, 2011-жылдан баштап, ошол эле банктын операциондук иш боюнча директору болуп эмгектенип келген. Андан мурда, Маргарита Черикбаева ProCredit Holding немис холдингинин тармагына кирген банктардын Кавказдагы, Батыш Африкадагы жана Латын Америкадагы бизнес бөлүмдөрүнүн жана операциондук блокторунун ишин жетектеген.

«Бүгүнкү күндө, Компаньон Банкы Кыргызстандын банктык тармагында өзүнүн туруктуу позициясын сактап келе жатат. Банк стабилдүү түрдө өнүгүп, социалдык миссиясын жактап, жоопкерчиликтүү насыялоо эрежелерин сактап келет. Биз, Маргарита Черикбаева айымдын көп жылдык тажрыйбасын өтө бийик баалап, анын жетекчилиги алдында Банк мындан ары да өнүгүп, биздин кардарларыбыз үчүн ыңгайлуу болот, деген ишеничтебиз. Ошол эле учурда, Компаньонду ийгиликтүү жетектегени үчүн, Эркинбек Жумабаев мырзага Мүдүрлөр кеңешинин атынан ыраазычылык билдирем», деди «Компаньон Банкы» ЖАКнун Мүдүрлөр кеңешинин төрагасы Стивен Митчелл.

Read more »

« Предыдущие записи
Следующие записи »