Бүгүн Бишкекте КРнын экономика Министрлиги жана Азия Өнүкгүрүү Банкы өткөрүшкөн «Аялдар ишкерчилигиндеги бизнес чөйрөсүн жакшыртуу» конференциясынын жүрүшүндө Кыргызстандын экономика министри Арзыбек Кожошев жана Азия өнүктүрүү Банкынын Кыргызстандагы туруктуу өкүлчүлүгүнүн Өлкөлүк директору Кендис Мак-Дейган КРнын экономика Министрлигинин Ардак грамоталары менен «Бай Түшүм» банкынын кардарларын сыйлады. Аялдар ишкерчилиги долбоорун өнүктүрүүгө активдүү катышкандыктары үчүн Каракол шаарынан Айнагүл Жамгырчиева жана Таластан Кенжебүбү Айылчиева Ардак грамотага татыктуу болушту.
Банктын кардарлары КРнын экономика Министрлигинин ардактуу грамоталарына татыктуу болушту
FINCA Банк Базар-Коргондогу “Үй-бүлөлүк медицина борборуна” жардам көрсөттү
FINCA Банк корпоративдик социалдык жоопкерчиликтин алкагында медициналык мекемеге жардам көрсөтүү менен дагы бир долбоорун ишке ашырды.
FINCA Банктын Базар-Коргондогу филиалы “Үй-бүлөлүк медицина борборуна” оңдоо иштерин жүргүзүү демилгесин көтөрүп, аны иш жүзүнө ашырды. Базар-Коргондогу “Үй-бүлөлүк медицина борборунун” кызматкерлеринин алдында көп убактан бери таза суу менен камсыздоо көйгөйү турган. Медициналык мекеменин кызматкерлери өз күчтөрү менен таза сууну жакын жайгашкан мектептен алып келишип, колдонулган сууну өздөрү алып чыгышчу.
Компаньон Банкы дзюдо боюнча Эл аралык турнирине колдоо көрсөттү
3 жана 4 декабрда Компаньон Банкынын колдоосу менен Бишкекте жаштардын арасында «Хан Манас» дзюдо боюнча VII эл аралык турнири өткөрүлдү. Быйыл бул мелдешке Казахстан, Туркменистан, Өзбекстан, Иран, Россия жана Кыргызстандан 400 дөн көп жаш спортчулар келишти.
«Биз бул спорт иш чарасын жетинчи жыл катары менен колдоп жаткандыгыбыз үчүн кубанычтабыз. Бул иш чара чың ден соолукта жашоо мүнөзүн элге жайылтат, идеологиялык туура баалуулуктарды жаштарга үйрөтөт, жана ар кайсы өлкөлөрдөн келген спортчулардын арасындагы мамилени бекемдейт. Бардык спортчуларга спорттук мүнөз жана жеңиш үчүн эрк көрсөтүүнү каалайм», – деп Компаньон Банкынын Төрагасы Уланбек Термечиков ачылыш аземинде белгилеп кетти. Бул эки күндө кыздар жана балдар спорттук мелдештерде өздөрүнүн өлкөлөрүнүн намыстарын коргошту. Жыйынтыкта жалпы командалык эсептегенде, Казахстандын спортчулары биринчи орун, Өзбекстандын спортчулары –экинчи орун, жана Кыргызстандын дзюдочулары үчүнчү орунду алышты.
– Компаньон Банкы бизнес насыялары үчүн пайыздык чендерди төмөндөттү
Компаньон Банкы өзүнүн 12-жылдыгына АКШ долларындагы бизнес-насыялары акциясын баштады. Компаньон Банкы бул акция чегинде пайыздык чендерди төмөндөттү, ошондуктан эми, ишкерлер бизнес өнүктүрүүгө 10 миңден 100 миңге чейин АКШ долларында 12 % жылдык бекитилген чен боюнча насыя ала алышат. Насыялоонун максаты: жүгүртмө каражаттарын толуктоо жана өндүрүш активдерине инвестициялоо. Жеңилдетилген чендер боюнча насыялар 2016 жылдын аягына чейин берилет.
«Биз кардарларыбызга ыңгайлуу шарт түзүү үчүн жаңы банк продуктыларын киргизүүнү улантуудабыз. Компаньон Банкынын ишинин эң маанилүү багыттарынын бири чакан жана орто бизнестерди насыялоо болуп саналат. Бул акциянын жардамы менен ишкерлер үчүн банктык каржылоо дагы жеткиликтүү болуп калды», – деп «Компаньон Банкы» ЖАК төрагасы Уланбек Термечиков белгилеп кетти.
Толук маалыматты бул номер 0 (312) 33 88 00 боюнча чалып жана Банктын бөлүмдөрүнөн алыңыздар.
Кыргыз Республикасынын Улуттук банкында коммерциялык банктар арасында стратегиялык менеджмент боюнча бизнес оюн болуп өттү
2016-жылдын 15-18 ноябрында Кыргыз Республикасынын Улуттук банкында коммерциялык банктар арасында стратегиялык менеджмент боюнча бизнес оюн болуп өттү. Бизнес оюнду өткөрүүнүн уюштуруучусу Улуттук банк жана эл аралык кызматташтык боюнча Германия сактык кассаларынын фонду болушту. Бизнес оюнда «БТА Банк» ЖАК, «БАКАЙ БАНК» ААК, «Дос-Кредобанк» ААК, «Банк Компаньон»ЖАК өкүлдөрү катышышты. Ар бир командадан жогорку жана орто звенодогу жетекчилерден турган 4 өкүлдөрдөн турду.