FINCA Банктын бардык филиалдарында 2016-жылдын 17-декабрынан 30-декабрына чейин жаңы жылдык балаты оюндары болуп өттү. Өлкөнүн бардык аймагындагы FINCA Банктын кардарларынын 5 жаштан 10 жашка чейинки 1100дөн ашык баласы Аяз ата, Аяз кыз, клоундар жана фокусчулар менен Жаңы жылдык балаты оюндарына катышты.

Банктын Башкы жана 24 филиалынын кеңсесинде атайын кичинекей меймандар үчүн оюн-зоок программалар уюштурулган. Анда ар бир бала кызыктуу конкурстарга жана оюндарга күбө болду. Кооз жасалгаланган иш чаралар  балдарды да, алардын ата-энелерин да кайдыгер калтырган жок. FINCA Банктын кызматкерлери да балдарды куттукташты, ал эми ар бир оюн-зооктон кийин балдарга Аяз ата таттуу белектерди берди. Бардык кичинекей көрүүчүлөр чоң кубанычка бөлөнүшүтү.

Read more »

«Бай Түшүм» Банкынын акционерлеринин 2016-жылдын 14-октябрында өткөн кезексиз жалпы чогулушунда  банктын финансылык туруктуулугун бекемдөө максатында уставдык капиталды 75 млн. сомго көбөйтүү боюнча чечим кабыл алынган. Каттоо боюнча зарыл болгон бардык  иштер бүткөрүлгөн бүгүнкү күндө «Бай Түшүм» Банкынын уставдык капиталынын өлчөмү 790 млн. сомду түздү. Ошентип, банктын көбөйтүлгөн уставдык капиталынын суммасы, 2015-жылдын 11-мартындагы Токтомго ылайык,  иштеп жатышкан коммерциялык банктардын капиталы, 2017-жылдын 1-июлуна карата 600 млн. сомду түзүүгө тийиш экендигин аныктаган Кыргыз Республикасынын Улуттук Банкынын регулятивдик талабынан жогорку өлчөмдү түздү.

Read more »

FINCA Банктын кызматкерлери «Help the Children-SKD» Кайрымдуулук фонду менен биргеликте Эне жана баланы коргоо улуттук борборундагы балдардын гематология бөлүмүндө кайрымдуулук акциясын өткөрдү.

Кан оорусуна жабыркаган балдарга оорукананын ичинде белек катары жаңы жылдык жомок тартууланды. Каалоолор жазылган эксклюзивдүү бокалдар, мөмө-жемиштер, көңүл көтөрүүчү куттуктоолор жана каалоолор, сыйкырдуу оюндарды көрсөткөн дарыгер-клоундар, Аяз ата жана Аяз кыз… Ал эми эң негизгиси, балдарды дарылоого эң керектүү кандын препараттарын тартулашты.

Read more »

Урматтуу кесиптештер жана достор!

Келе жаткан Жаңы 2017-жылыңыздар менен чың жүрөктөн куттуктайбыз!

Жаңы 2017-жылы Элибиз үчүн тынчтыктын, силер үчүн бакыт-таалайдын, зор жетишкендиктердин жылы болсун жана баардык ой-максаттарыңыз ишке ашсын. Жаңы жыл силерге жаңы мүмкүнчүлүктөрдү жана ачылыштарды алып келсин!

Терең урматтоо менен,
Кыргызстан банктарынын союзу

2016-жылдын жыйынтыгы боюнча “БТА Банк” ЖАК чакан жана орто бизнес өкүлдөрүн натыйжалуу жана сапаттуу тейлегендиги үчүн Россия-Кыргызстан өнүктүрүү фондусунун мыкты банк-өнөктөшү деп табылды.
2016-жылдын 25-майынан тарта БТА Банк чакан жана орто бизнести каржылоого кредиттик тилкени берүү боюнча Фондунун расмий өнөктөшү болуп саналат. Россия-Кыргызстан өнүктүрүү фондусу аркылуу жеке ишкерлер бизнести кеңейтүү жана негизги каражаттарды модернизациялоо үчүн жеңилдетилген кредиттерди алат, ал эми башкысы – пайыздык чендери төмөн болгон узак мөөнөттүү инвестицияларды алууга мүмкүнчүлүгү бар.

Read more »