– «Халык Банк Кыргызстан» ААКнын филиалынын Каракол шаарында ачылышы

Каракол шаарында 6-февралда «Халык Банк Кыргызстан» ААКнын филиалы расмий түрдө ачылды! Жаңы филиал «Халык» тобунун бардык талаптарына, тактап айтканда, бөлүмдөрдүн жабдылышы,  дизайны жана жасалгасы жагынан бардык талаптарга жооп берет.

Биз Каракол шаарынын тургундарына, жеке жактар үчүн, ошондой эле юридикалык жактар үчүн да:

  • кредиттер;
  • депозиттер:
  • акча которуулар;
  • эсептешүү-кассалык тейлөө;
  • төлөм карталарын (VISA, Элкарт) чыгаруу;
  • жеке компаниялар жана мамлекеттик мекемелер үчүн эмгек акы долбоорлору

сыяктуу банктык кызматтардын бардык түрүн көрсөтүп жаткандыгыбызга абдан кубанычтабыз.

Филиалдын расмий ачылышында Банктын жетекчилигинен тышкары, ушул кубанычтуу окуяны биз менен бирге бөлүшүү үчүн атайын келишкен биздин кардарлар жана өнөктөштөр да катышышты. Майрамдык салтанаттуу кызыл лентаны «Халык Банк Кыргызстан» ААК Башкармалыгынын Төрагасы  Айкын Темиртасович Кабулов жана филиалдын директору Альбина Асанова бирге кесишти.

Альбина Асанова: «Бүгүнкү биздин филиалдын ачылышына катышкандардын бардыгынын жакшы каалоо-тилектери жана жылуу сөздөрү үчүн аларга ыраазычылымды билдирем! Биздин аймактын тургундарына, биздин кардарларга ыңгайлуу шарттарды түзүү жана банктык секторду өнүктүрүү үчүн биз бардык күчүбүздү жумшайбыз»,- деп белгилөө менен сөзүн аяктады.

Бардыгыңыздарды Каракол шаары, Токтогул көчөсү, н/ж (болжолдуу багыт, «Триада-ДМ» СБ имараты) дареги боюнча күтөбүз. Телефон: +996 (3922) 5-51-41.

Иштөө режими: бир жумада беш күн, саат 9:00 дөн 17:30 чейин, тыныгуу 13:00 дөн 14:00 чейин. Дем алыш күндөрү: ишемби, жекшемби.

 

БАНК ТУУРАЛУУ:

  • «Халык Банк Кыргызстан» ААК, 2018-жылы өзүнүн 95-жылдыгын белгилеген «Казахстан Эл Банкы» АКнын туунду компаниясы болуп саналат.
  • «Халык Банк Кыргызстан» ААК өзүнүн ишмердигин Кыргызстандын финансылык рыногунда 14 жылдан ашык убакыттан бери ийгиликтүү жүргүзүп келе жатат.
  • Бүгүнкү күндө жалпы Кыргызстан боюнча «Халык Банк Кыргызстан» ААКнын 19 бөлүмү бар: Бишкекте, Ошто, Жалал-Абадда, Кара-Сууда, Кара-Балтада, Чолпон-Атада, Караколдо, Өзгөндө, жана Ноокатта.
  • «Халык Банк Кыргызстан» ААК универсалдуу банктын статусуна ээ жана өзүнүн ишмердигин № 044 банктык лицензиясынын негизинде жүргүзөт.
  • Мамлекеттер аралык эсептешүүлөрдү жүргүзүүгө карата Банктын кардарларын тейлөө үчүн Германиянын, АКШнын, Россиянын жана Казакстандын ири банктары менен корреспонденттик мамилелер түзүлгөн.

– «Бай Түшүм» Банкы чакан, орто жана корпоративдик бизнести насыялоону дагы да ыңгайлуу жана жеткиликтүү деңгээлге көтөрдү

Ар кандай бизнестин, өзгөчө жогорку технологиялуу бизнестин өнүгүшү ар дайым көлөмдүү финансылык инвестициялардын зарылдыгы менен байланыштуу. Атаандаштык рыногунун шарттарында инвестицияларды салуу бизнес-чөйрөнүн ар кандай өзгөрүүлөрүнө компаниялардын өз убагында жооп берүүсүнө жана алардын сатууларынын көлөмүн жогорулатууга мүмкүнчүлүк түзөт. Ушундан улам компаниялардын өнүгүү мезгилинде ыңгайлуу жана жакшы натыйжалуу чечимдерди сунуштай ала турган ишенимдүү финансылык өнөктөшүнүн болуусу өтө маанилүү.

Бизнес-кардарлардын дайыма өсүп турган талаптарынын шартында «Бай Түшүм» банкы Реконструкциялоонун жана Өнүгүүнүн Европалык банкынын атайын фондусунун акционерлеринин колдоосу алдында, чакан,орто жана корпоративдик бизнес багытында  Банктын кубаттуулугун күчөтүү боюнча долбоорду ишке киргизди. Жаңы киргизилген долбоордун алкагында бизнес-кардарлар насыяларды берүү боюнча банк тарабынан чечимдерди кабыл алуунун мөөнөттөрүн кыскартууга жана дифференцияланган баа мамилеси менен ыңгайлуу продукт түзүмүн киргизүү менен насыяларды берүү боюнча артыкчылыктарга ээ болушту. Мындан тышкары, насыялоо багытындагы бизнес-процесстер алда-канча жакшыртылды, бул өз кезегинде кардарларды тейлөөнүн баасын кыскартууга мүмкүнчүлүк түздү.

Бизнес багыты үчүн жаңы иштердин бири болуп, 6 айлык мөөнөткө бекитиле турган финансылык лимит болуп саналат.  Бул лимитти пайдалануу менен кардарлар зарыл болгон бардык учурларда каржылоону ала алышат. Финансылык лимиттин алкагында ар кандай продуктулар кошумча талдоосуз 1-2 күндүн аралыгында бериле тургандыгын белгилей кетүү керек. Ушул себептен, ар кандай бизнес-мүмкүнчүлүктөр же идеялар пайда болуп калган учурда, кардарлар банктын колдоосуна ишенишсе болот жана өздөрүнүн өнөктөштөрү менен сүйлөшүүлөрдө артыкчылыктуу боло алышат.  А эң башкысы, финансылык лимитти коюу – акысыз.

Дагы бир жаңылык: Бизнес-кардарлар үчүн  – овердрафт. Бул абдан ыңгайлуу продукт, анын жардамы менен финансылык кыска мөөнөттүү муктаждыктарды жоюуга болот, мында каражатты натыйжасыз пайдалангандыгы үчүн ашыкча төлөмдөр болбойт. Себеби, овердрафтты пайдаланган учурда  кардар продуктуну пайдаланган конкреттүү күндөрдүн саны үчүн гана төлөм жүргүзөт.  Банктын учурдагы  жана жаңы кардарлары овердрафт боюнча күрөөсүз лимит койо алышат, ошондой эле карыздуулукту ай сайын жоюунун да зарылдыгы жок.

Финансылык ишенимдүү өнөктөш катары «Бай Түшүм» банкын тандап алуу менен, бизнес-кардарлар ар дайым жекече мамилеге жана ыңгайлуу, пайдалуу финансылык чечимдер менен коштолгон сапаттуу тейлөөгө мүмкүнчүлүк ала алышат.

– Компаньон Инвест: Кыргызстанда Исламдык каржылоону өнүктүрүү

Ислам каржылоосу деген эмне жана ал биздин өлкөдө кайсы тармакка тиешелүү? Бул суроону биздин өлкөнүн көп жарандары беришет. Бул суроону чогуу түшүндүрүүгө аракет кылып көрөлү.

Негизи, каржылоонун салттуу концепциясы банктар жана финансылык уюмдар бир гана кредиттик жана акча каражаттары менен иштейт деген маанини билдирет. Ислам каржылоосу, тескерисинче, акчаны сооданын предмети катары кабыл албайт. (өзгөчө учурлардан башка). Акчанын жеке өзүнүн баалуулугу жок, алар алмаштыруунун гана каражаты болуп саналат.

Исламдык каржылоо тармагынын көйгөйлөрү

Келечектеги исламдык каржылоо уюмдары үчүн фундаменталдык теоретикалык жана практикалык негиздер түзүлгөндүгүнө карабастан, исламдык каржылоонун өнүгүүсү үчүн бир нече кайынчылыктар бар: исламдык социалдык-экономикалык мамилелер боюнча (муамалат) түзүлө элек илимий чөйрө, түзүлө элек ченемдик-укук базасы, жана профессионалдуу даярдалган адистердин жетишсиздиги.  

Компаньон Инвест: өнүгүү тарыхы

«Компаньон Инвест» ЧКК ЖЧК 2011 жылы ноябрь айында түзүлгөн. 2012 жылы Компаньон Инвест Мурабаха келишими боюнча биринчи операцияны жүргүзгөн. 2013 жылы ноябрь айында эл аралык «Islamic Microfinance Challenge 2013» жарышмасынын жыйынтыгы боюнча эң жакшы үч финалисттердин бирөөсү болуп тандалган.  2016 жылы Компаньон Инвест Шариаттын стандарттарын киргизгенден кийин, толугу менен исламдык каржылоо уюмдарынын бухгалтердик эсеп жана аудит стандарттарына өткөн.

Быйыл апрель айында «Компаньон Инвест» МКК ЖЧК активдеринин суммасы боюнча германиялык эң чоң банк- Deutsche Bank тан узак мөөнөттүү каржылоо инвестицияларын алып келди. Инвестициялык макулдашууга 2017 жылы 21 апрель күнү кол коюлган жана ал толугу менен Шариат стандарттарына ылайык тузүлгөн. Негизги максат – ислам укугуна ылайык микро каржылоонун продуктыларын жана кызматтарын колдоо. Каражаттар Deutsche Bank тын «Жаңы демилгелердин фонду» долбоорунун чегинде бөлүнгөн. Бул долбоор өнүгүп келе жаткан өлкөлөрдөгү киреше деңгээли төмөн кардарлар үчүн жеткиликтүү каржылоону сунуштайт.

– FINCA Bank жана «Ысык-Көл толкуну» радиосу «Финансы алиппесинин» экинчи этабын ишке киргизүүдө

8-июнда «Ысык-Көл толкуну» радиосунун эфиринде «Финансы алиппеси» радиоберүүсүнүн экинчи этабы чыкты.

Калктын финансылык сабаттуулугун жогорулатуу боюнча демилгени FINCA Bank жана «Ысык-Көл толкуну» радиосу биргеликте ишке киргизди. Орус тилиндеги үч мүнөттүк чыгарылыштын биринчи бөлүгүн Ысык-Көл облусунун тургундары апрель айында угушкан.

Калктын финансылык сабаттуулугун жогорулатуу FINCA Bank ишмердүүлүгүнүн бирден-бир багыты болгондуктан, ал радиоберүүлөрдүн демөөрчүсү гана болбостон, жеке финансыны, насыяларды, депозиттерди башкаруу жана башкалар тууралуу маалыматтарды да сунуштайт.

Радиоберүүнү 6-июлга чейин Караколдо FM 107.7 жана Чолпон-Атада FM 107.5 жыштыгынан күн сайын саат 7:30, 8:30, 9:30, 10:30, 11:30, 12:30, 13:30, 14:30, 15:30,16:30,17:30 жана 18:30да угууга болот.

 

 

– FINCA Банктын Кант шаарындагы Аманат кассасынын жаңы кеңсесинин салтанаттуу ачылышы өттү

FINCA Банктын Кант шаарындагы Аманат кассасынын жаңы кеңсесинин салтанаттуу ачылышы 12-майда болуп өттү.

 

«Биз дайыма кардарларыбыздын ыңгайлуулугун ойлойбуз жана сиздерге жакын болгудай кылып кеңселерди ачууга умтулабыз», – деп Банк Башкармасынын мүчөсү Кай Ильм бул күнү чогулгандардын алдында сөз сүйлөдү.

 

Канттагы аманат кассасы өзүнүн иштөө убагында жөнөкөй жарандар жана ишкерлер менен бекем кызматташууга жетишти. Бүгүнкү күндө FINCA Банк жеке жана юридикалык жактарга банк кызматтарынын кеңири түрүн сунуштайт, анын ичинде: насыяларды жол-жоболоштуруу, депозиттерди ачуу, алыш-бериш эсептерин ачуу, акча которуулар, акча алмаштыруу, төлөм терминалдарын колдонуу.

Кардарлар үчүн максималдуу түрдө ыңгайлуулукту түзүүгө умтулуу – жаңы  кеңсеге көчүү чечимин кабыл алууга себеп болду, кеңсе кардарлар үчүн ыңгайлуу жерде – Ленин көчөсү, 68де жайгашты. Имарат FINCA Банктын жасалгалоо боюнча жаңы стандарттарына ылайык жабдылды жана жасалгаланды. Бул жерге келгендер меймандостукту жана жогорку сапаттагы тейлөөнү көрө алышат.

 

Белгилей кетчү нерсе, FINCA Банк өз кеңселери жайгашкан бардык жердеги жергиликтүү коомчулуктардын өнүгүшүн активдүү колдоп келет жана өзүн да анын бөлүгү деп эсептейт.

 

Бүткүл өлкө боюнча FINCA Банкта бардыгы болуп жерине баруучу кассаларды эсептебегенде 73 тейлөө түйүнү бар.

Кошумча маалымат алуу үчүн төмөнкү номурларга кайрылыңыздар:

0(312) 440 440 же уюлдук тел.: 4400 (чалуу акысыз), кошумча номур 220;

Уюлдук: 0(772) 333 220.