Маргарита Черикбаева 2018-жылдын 12-мартында «Компаньон Банкы» ЖАКнун Башкармалыгынын Төрайымы катары дайындалды.

Компаньонго келээрден мурда, ал 2015-жылдан тартып, «ФИНКА Банк» ЖАКнун Башкармалыгынын Төрайымы болуп, ага чейин, 2011-жылдан баштап, ошол эле банктын операциондук иш боюнча директору болуп эмгектенип келген. Андан мурда, Маргарита Черикбаева ProCredit Holding немис холдингинин тармагына кирген банктардын Кавказдагы, Батыш Африкадагы жана Латын Америкадагы бизнес бөлүмдөрүнүн жана операциондук блокторунун ишин жетектеген.

«Бүгүнкү күндө, Компаньон Банкы Кыргызстандын банктык тармагында өзүнүн туруктуу позициясын сактап келе жатат. Банк стабилдүү түрдө өнүгүп, социалдык миссиясын жактап, жоопкерчиликтүү насыялоо эрежелерин сактап келет. Биз, Маргарита Черикбаева айымдын көп жылдык тажрыйбасын өтө бийик баалап, анын жетекчилиги алдында Банк мындан ары да өнүгүп, биздин кардарларыбыз үчүн ыңгайлуу болот, деген ишеничтебиз. Ошол эле учурда, Компаньонду ийгиликтүү жетектегени үчүн, Эркинбек Жумабаев мырзага Мүдүрлөр кеңешинин атынан ыраазычылык билдирем», деди «Компаньон Банкы» ЖАКнун Мүдүрлөр кеңешинин төрагасы Стивен Митчелл.

Read more »

2-мартта Компаньон Банкы Кыргызстандагы туруктуу энергияны каржылоо программасынын KyrSEFF өкүлдөрү менен бирдикте, ошондой эле JIA Бизнес Ассоциациясынын колдоосу менен, ишкерлер менен жолугушуу өткөрдү. Курулуш компанияларынын өкүлдөрү жана курулуш, тойкана, мейманкана, азык-түлүк жана башка бизнес менен алектенген жеке ишкерлер бир жерде чогулушту.

Жолугушуу учурунда, Компаньон Банкынын Кыргызстандагы туруктуу энергияны каржылоо программасы алкагында, бизнестеги энергоэффективдүү чечимдер тартууланды. Бул сунуштан пайдаланып, ишкерлер жалгыз эле энергоэффективдүү иш-чараларды жүзөгө ашырбастан, ыңгайлуу гранттарды алуу мүмкүнчүлүгүнө да ээ болушат. Энергия үнөмдөөчү жабдууларды орнотуу (өндүрүш каражаттарын алмаштыруу, насосторду, вентиляторлорду жана компрессорлорду орнотуу), күн батареяларын колдонуу, күнөсканаларды жаңыртуу жана өнөр-жай имараттарын жылуулоо өндүрүштүк чыгымдарды кыйла кыскартат.

«Компаньон – стандарттык эле банктык кызматтарды сунуштаган банк эмес. Биз коомдук миссияны аткарып, кичи жана орто бизнеске пайда алып келген жана экологияга оң таасирин тийгизген долбоорлорду колдогонго аракет кылуудабыз. Биз Кыргызстандагы туруктуу энергияны каржылоо программасынын (KyrSEFF) өнөктөштөрү болуп, кардарларыбызга  бизнестеги энергоэффективдүүлүк максатына насыя сунуштайбыз жана аларга 15% чейинки грант алуу мүмкүнчүлүгүн беребиз. Мисалы, жогоруда аталган максаттар үчүн 20 млн сом өлчөмүндөгү насыя алсаңыз, сиздин 3 млн сомго чейин грант алууга мүмкүнчүлүгүңүз болот», – деп белгиледи Компаньон Банкынын Башкармалыгынын Төрагасынын орун басары Алыбаев Нарынбек Алыбаевич.

Read more »

Бул жылы, кайра даярдоо жана квалификацияны жогорулатуу боюнча Кыргыз мамлекеттик медицина академиясынын анестезиология жана реаниматология кафедрасы 45 жылдык мааракесин белгилеп жатат! Башкармалыктын Төрагасы Жумабаев Эркинбек Алтымышевич, Компаньон Банкынын атынан, медициналык мекемеге абдан зарыл болгон проектор жана экранды белек катары тапшырды.

«Учурда бизде көптөгөн жаш анестезиолог дарыгерлер билим алууда. Ушул күнгө чейин, электрондук түрдө окутуу учурунда, биз СССР убагындагы, кочкул кызыл көрсөткөн эски проекторду колдонуп келген элек. Ал эми жаңы жабдууларды пайдалануу менен биз окуу процессин бир топ жакшырта алабыз, деп ишенем. Мындай пайдалуу белек үчүн Компаньон Банкына чоң ыраазычылык билдиребиз,» – деди кафедра башчысы, медицина илимдеринин кандидаты, доцент Молдоташева Айке Кенжеевна.

Read more »

Иш-чара Баткен областынын Лейлек районунун Искра айылында айыл өкмөттөрүнүн активдүү колдоосу менен өттү. Бул иш-чаранын жардамы менен фермерлер миңге жакын тонна алма сата алышты.

Фестивалдын ачылышына  областтык жана райондук администрациялардын, Сүлүктү шаарынын мериясынын өкүлдөрү, жана Таджикистандан келген расмий делегация катышышты.  Меймандар бул иш-чаранын Кыргызстандын фермерлери үчүн маанилүү экендигин белгилеп, тажик кайра иштетүүчүлөр алма сатып алууга кызыкдар экендигин да билдиришти. Ошентип, фестиваль эл аралык иш-чара болуп калды. Баткен областынын  Мамлекеттик администрациясынын аппаратынын жетекчиси Мунарбек Насиров Компаньон Банкына Кыргызстандын айыл-чарба тармагын өнүктүрүүгө салым кошкондугу үчүн ыраазычылык билдирди.

Жергиликтүү жашоочулар белгилеп кеткендей, Компаньон Банкы экономикалык пайдадан тышкары, аларга чыныгы майрам уюштурушту: кызыктуу концерттик программа чоңдорго жана балдарга абдан жакты. Манас орто мектебинин окуучулары тарабынан даярдалган музыкалык аткаруулардан башка, фестивалдын меймандары көргөзмө-жармаңке болду. Көргөзмөдө 12 алма сорттору көргөзүлдү жана ар кандай мөмө жемиш тамактарынын дегустациясы болду.

Read more »