2016-жылдын жыйынтыгы боюнча “БТА Банк” ЖАК чакан жана орто бизнес өкүлдөрүн натыйжалуу жана сапаттуу тейлегендиги үчүн Россия-Кыргызстан өнүктүрүү фондусунун мыкты банк-өнөктөшү деп табылды.
2016-жылдын 25-майынан тарта БТА Банк чакан жана орто бизнести каржылоого кредиттик тилкени берүү боюнча Фондунун расмий өнөктөшү болуп саналат. Россия-Кыргызстан өнүктүрүү фондусу аркылуу жеке ишкерлер бизнести кеңейтүү жана негизги каражаттарды модернизациялоо үчүн жеңилдетилген кредиттерди алат, ал эми башкысы – пайыздык чендери төмөн болгон узак мөөнөттүү инвестицияларды алууга мүмкүнчүлүгү бар.

Фондунун долбоорунун алкагында жеңилдетилген кредиттер улуттук валютада жылдык 12% жана АКШ долларында 5% чен боюнча 3-60 айлык мөөнөткө берилет.
«БТА Банк» ЖАК – бул универсалдуу, тез өнүгүп жаткан банк, анын Кыргызстандын 35 ири шаарында жана калктуу конуштарында жайгашкан 14 филиалы жана 81 сактык кассасы бар.