«Керемет Банк» орусиялык «Россельхозбанк» ААК менен түздөн-түз корреспонденттик мамиле түздү.Россиянын эң ири банктарынын бири – «Россиянын Айыл чарба банкы» («Россельхозбанк») — «Керемет Банкка» үч негизги валютада корреспонденттик эсеп ачкан: рубль, доллар жана евро.
«Россельхозбанк» ААК сыяктуу ири жана ишенимдүү өнөктөштөрдүн болушу Кыргызстан менен Россиянын ортосундагы экспорттук-импорттук операциялар боюнча эл аралык өз ара эсептешүүлөрдү кеңейтүүгө жана тездетүүгө өбөлгө түзөт.