«ЭкоИсламикБанк» ЖАК Кыргызстандын финансылык-кредиттик рыногунда 25 жылдан ашуун убакыттан бери иш алып барып келет. Банк 1998-жылы АК «ЭкоБанк» болуп кайра түзүлгөн Кыргыз-Россия биргелешкен «Российский кредит» банкынын негизинде түзүлгөн.

Бүгүнкү күндө  «ЭкоИсламикБанк» ЖАК — Кыргызстандагы биринчи Ислам банкы болуп саналат жана Шариаттын принциптерине негизделген финансылык кызматтардын толук спектрин сунуштайт. Банктын тармагы республика боюнча болжол менен 80ге жакын кеңсени камтыйт. Ай сайын 100 000ден ашуун кардарга кызмат көрсөтүп, исламдык депозиттер, каржылоо кызматтары, банктык карталарды тейлөө, халал-которуулар жана башка көптөгөн кызматтарды сунуштайт.

Биз сунуштап жаткан исламдык каржылоо принциптерине негизделген система чыныгы жана адилеттүү деп терең ишенебиз, анткени ал Жараткандын осуяттарына таянат. Биздин негизги максатыбыз — чыныгы исламдык финансылык институтту түзүү жана өнүктүрүү, аны Борбордук Азия аймагындагы финансылык кызматтар рыногунун лидери кылуу. ЭкоИсламикБанк исламдык банкингди киргизүүдө олуттуу жолду басып өттү, бирок алдыда дагы көп иштер турат. Биздин команда калк үчүн исламдык банкингдин алкагында ыңгайлуу жана адилеттүү каржылык мамилелерди түзүү багытында тынымсыз иш алып барууда.