• 2 июня 2017г., в Отеле Damas, пройдет крупное бизнес мероприятие посвященное актуальным вопросам в финансовой, кредитной и др. сферах, в том числе перспектив дальнейшего развития новых платежных технологий, продуктов и услуг.

“Мектептин бюджетин талкуулоого жана жаштардын финансылык сабаттуулугун жогорулатууга окуучулардын жана ата-энелердин катышуусу” сынагы

Global Money Week 2017Өнүктүрүү саясат институту Швейцария Өкмөтү каржылаган “Элдин үнү жана ЖӨБ органдарынын жоопкерчилиги: бюджеттик процесс” Долбоорунун финансылык колдоосу алдында жана Билим берүү демилгелерин колдоо фонду менен биргеликте 2017-жылдын 27-мартынан 2-апрелге чейинки мезгил аралыгында өтө турган Дүйнөлүк акча апталыгына (Global money week) катышат.

Апталыктын негизги максаты – финансылык сабаттуулуктун, ийгиликтүү келечек үчүн үй-бүлөнү, мектепти, муниципалитетти жана өлкөнү өнүктүрүүдө экономикалык жана социалдык катышуунун маанилүүлүгү тууралуу жаштардын маалымдуулугун жогорулатуу. Апталыктын темасы – акчаны топтой билүү – жеке, коомдук акчаны жана ресурстарды жыйноо.

Read more »

“Үйрөнгүлө. Акча топтогула. Иштеп акча тапкыла” сүрөттөр улуттук сынагы

global_money_week_logo_2015_black_yellowСынак 2017-жылдын 1-февралынан 10-мартына чейин өтөт.  Сүрөттөр сынагы Дүйнөлүк акча жумалыгы иш-чарасынын алкагында өткөрүлөт. Бул жыл сайын өтүүчү эл аралык иш-чаралар топтомунун негизги максаты – коомчулуктун көңүлүн жаштардын финансылык сабаттуулугуна буруу. 2017-жылы Дүйнөлүк акча жумалыгы 27-марттан 2-апрелге чейин өтөт. Быйылкы жумалыктын темасы – “Үйрөнгүлө. Акча топтогула. Иштеп акча тапкыла”.

Сынактын уюштуруучусу – Кыргыз Республикасынын Улуттук банкынын жетекчилиги алдында Кыргыз Республикасында Дүйнөлүк акча жумалыгын (Global Money Week – 2017) өткөрүү боюнча жумушчу топ (мындан ары – Уюштуруучулар). Ошол топтун курамына Өнүктүрүү саясат институту, Окутуу демилгелерди колдоо фонду, “Кыргызстандагы банктардын бирлиги” ЮЖБ, “Микрофинансылык уюмдардын ассоциациясы” ЮЖБ, “Кредиттик маалыматты колдонуучулардын ассоциациясы” ЮЖБ, Эл аралык кызматташтык Германиялык коому (GIZ), Эл аралык финансылык корпорация (IFC), Кыргыз Республикасынын Билим берүү жана илим министрлиги, Кыргыз Республикасынын Депозиттерди коргоо агенттиги, Кыргыз Республикасынын Өкмөтүнө караштуу Мамлекеттик салык кызматы, Кыргыз Республикасынын Өкмөтүнө караштуу Жаштар иштери, дене тарбия жана спорт мамлекеттик агенттиги, “Финка Банк” ЖАК, “Бай-Түшүм Банкы” ЖАК, “КБ Кыргыхстан” ААК, “Росинбанк” ААК, “Айыл Банк” ААК, “Чанг Ан инвестициялык банкы” ААК, “Евразиялык сактык банк” ААК, “Халык Банк Кыргызстан” ААК, “Дос-Кредобанк” ААК, “Сенти” Финансылык компаниясы жана башкалар киришет.

Read more »

Мамлекеттик Ипотекалык Компания жана Бакай Банкы кызматташуу тууралуу келишимге кол коюшту

2017-жылдын 2-февралында  “Мамлекеттик Ипотекалык Компаниясы” ачык акционеридик коому (МИК) Башкармасынын төрагасы Шамкеев Бактыбек Абылкасымович, “Бакай Банкы” ачык акционердик коомунун (Бакай Банкы)  Башкармасынын төрагасы  Уманкулов Аалы Болотович Кыргыз Республикасынын Өкмөтүнүн “Арзан турак жай 2015-2020” программасын (мындан ары Программа) жүзөгө ашыруунун чегинде кызматташуу тууралуу Генералдык келишимге кол коюшту.

Бактыбек Шамкеев бул иш-чаранын олуттуулугун, өнөктөш банктардын катарынын өсүшү Программанын катышуучулары үчүн ынгайлуу мүмкүнчүлүктөрдү түзөрүн белгиледи. “Бакай Банкы” бүгүн МИКтин 12- өнөктөш банкы катары эсептелет. Бул республикабызда ипотекалык насыялоо ишинин алга натыйжалуу жылышына өбөлгөлөрдүн бири болот деди МИК төрагасы. Программанын алкагында бүгүнкү күнгө карата 800гө жакын ипотекалык насыя берилип, жалпы суммасы 900 млн. сомдон ашты. “Бакай Банкы” турак жай  ипотекалык программасын жүзөгө ашырууда биздин ишенимдүү өнөктөшүбүз катары ишин ийгиликтүү улантарына ишенебиз.

Read more »

Компаньон Банкынын пайдалуу насыялоо шарттары

Банк Компаньон - бизнес кредитыКомпаньон Банкы АКШ долларындагы бизнес-кредиттери акциясынын мөөнөтүн узартты. 2017 жылдын февраль айынын аягына чейин ишкерлердин жүгүртүү каражаттарын толуктоо жана өндүрүш активдерине инвестиция кылуу үчүн жеңилдетилген пайыз чени боюнча – жылдык 12% менен насыя алуу мүмкүнчүлүгү бар. Белгилей кетчү нерсе, бул пайыздык чен боюнча насыя алуу үчүн насыянын минималдуу суммасы 10 миң АКШ доллар болушу керек.

Ошондой эле,  Компаньон Банкы Россия-Кыргыз Өнүгүү Фонду менен кызматташтыгы алкагында жеңилдетилген насыяларды сунуштайт. Ишкерлер үчүн узак мөөнөттүү өндүрүш инвестициялары үчүн жылдык 12% чен менен комиссиясыз 5 жылга чейинки насыялар жеткиликтүү.

Read more »

FINCA Банктан балдар үчүн Жаңы жылдык майрам

finca-new-year-2017FINCA Банктын бардык филиалдарында 2016-жылдын 17-декабрынан 30-декабрына чейин жаңы жылдык балаты оюндары болуп өттү. Өлкөнүн бардык аймагындагы FINCA Банктын кардарларынын 5 жаштан 10 жашка чейинки 1100дөн ашык баласы Аяз ата, Аяз кыз, клоундар жана фокусчулар менен Жаңы жылдык балаты оюндарына катышты.

Банктын Башкы жана 24 филиалынын кеңсесинде атайын кичинекей меймандар үчүн оюн-зоок программалар уюштурулган. Анда ар бир бала кызыктуу конкурстарга жана оюндарга күбө болду. Кооз жасалгаланган иш чаралар  балдарды да, алардын ата-энелерин да кайдыгер калтырган жок. FINCA Банктын кызматкерлери да балдарды куттукташты, ал эми ар бир оюн-зооктон кийин балдарга Аяз ата таттуу белектерди берди. Бардык кичинекей көрүүчүлөр чоң кубанычка бөлөнүшүтү.

Read more »